“SİQNAL” İctimai Nəzarət Təşkilatının təsisçi rəhbəri Sevinc Quliyeva Dövlət Məşğulluq Agentliyinin Ağcabədi rayon xidmət şöbəsinin müdiri Rauf Məmmədovdan müsahibə alıb.
AĞCABƏDİ – Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Məşğulluq Agentliyinin Qarabağ Regional Məşğulluq Filialının Ağcabədi rayon xidmət şöbəsinin müdiri Rauf Məmmədov mövcud vakansiyalar və məşğulluq imkanları barədə məlumat verib.
“SİQNAL” İctimai Nəzarət Təşkilatının təsisçi rəhbəri Sevinc Quliyeva tərəfindən alınan müsahibədə bildirilib ki, rayon ərazisində fəaliyyət göstərən bir sıra müəssisə və şirkətlər tərəfindən yeni vakansiyalar təqdim olunub. Hazırda həmin vakansiyalar üzrə vətəndaşların müraciətləri qəbul edilir.
Rauf Məmmədov qeyd edib ki, Dövlət Məşğulluq Agentliyi tərəfindən təqdim olunan vakansiyalar müxtəlif sahələri əhatə edir və iş axtaran vətəndaşların məşğulluğunun təmin olunmasına yönəlib. Onun sözlərinə görə, işsiz və iş axtaran şəxslər Ağcabədi rayon xidmət şöbəsinə müraciət etməklə mövcud iş yerləri barədə ətraflı məlumat ala və uyğun vakansiyalar üzrə yönləndirilə bilərlər.
Müsahibə zamanı vurğulanıb ki, məşğulluğun artırılması və vətəndaşların işlə təmin olunması məqsədilə dövlət qurumları ilə yanaşı, özəl sektor nümayəndələri də bu prosesdə fəal iştirak edir. Müəssisə və şirkətlər tərəfindən təqdim olunan vakansiyalar üzrə müraciətlərin qəbulu hazırda davam edir.
“SİQNAL” İctimai Nəzarət Təşkilatının təsisçi rəhbəri Sevinc Quliyeva isə bildirib ki, vətəndaşların məşğulluq imkanları barədə məlumatlandırılması və ictimaiyyətə operativ məlumatların çatdırılması mühüm əhəmiyyət daşıyır. Onun sözlərinə görə, təşkilat bundan sonra da sosial və məşğulluq sahəsində aktual mövzuların işıqlandırılmasını davam etdirəcək.
Qeyd edək ki, vakansiyalarla maraqlanan vətəndaşlar Dövlət Məşğulluq Agentliyinin Ağcabədi rayon xidmət şöbəsinə müraciət edərək ətraflı məlumat əldə edə bilərlər.